logo
logo
logo

Трамп побара од Врховниот суд да ја паузира одлуката која го лишува од апсолутен имунитет

Vecer | 13.02.2024

Трамп побара од Врховниот суд да ја паузира одлуката која го лишува од апсолутен имунитет

 Поранешниот претседател Доналд Трамп синоќа поднесе барање до Врховниот суд на САД судот да ја паузира одлуката на апелациски суд според која се одби неговото барање за апсолутен имунитет од кривичен прогон, а поврзано со неговите обиди за поткопување на резултатите од изборите во 2020 година, јави дописникот на МИА од Вашингтон.

Ако судиите од Врховниот суд не издадат запирање додека ја разгледуваат неговата апелација, судскиот процес по тој кривичен прогон, кој беше одложен, ќе продолжи.

Поднесокот е последен обид во напорите на Трамп да го истурка своето тврдење за целосен имунитет што беше одбиено од два суда од пониска инстанца. Врховниот суд сега треба да одреди дали и колку брзо ќе се одвива федералниот суд заснован на тужбата за подривање на изборите во 2020 година. Ако судиите не донесат брза одлука, судењето може да се одложи доцна во изборната кампања или дури до по изборите.

Поднесокот на Трамп се случува откако панел од тројца судии на Апелациски суд на САД од округот Колумбија едногласно ја отфрли аргументацијата на Трамп дека тој не треба да биде кривично гонет за постапки шти ги направил додека бил претседател. 

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MEDIANET LTD Skopje Copyright © 2004-2024. Vecer.mk