Американскиот претседател Доналд Трамп предизвика смеа кај новинарите кога еден од нив го замоли да дефинира што е жена.
Трамп рече дека прашањето е лесно да се одговори.
Тој зборуваше на прес-конференција кога еден новинар му кажа дека претседателот направил многу за жените, пред да ги наведе жените кои имаат моќни улоги во неговата администрација, вклучително и шефицата на кабинетот Сузи Вајлс, прес секретарката Каролин Левит и јавната обвинителка Пем Бонди.
„Бидејќи се чинеше дека демократите се мачеа да одговорат на ова прашање, сакам да ве прашам што е жена и зошто е важно да ја разбереме разликата помеѓу мажите и жените? прашал новинарот.
„Жената е некој кој може да има бебе под одредени околности. Таа има еднаквост. Жената е личност која е многу попаметна од мажот. Жената е личност која дури ни на маж не му дава шанса да успее", рекол Трамп.
Потоа се осврнал на прашањето за трансродовите спортисти кои се занимаваат со женски спортови.
REPORTER: What is a woman?
— Aaron Rupar (@atrupar) March 28, 2025
TRUMP: Well it's sort of easy to answer for me because a woman is someone who can have a baby under certain circumstances ... a woman is a person that in many cases has been treated very badly pic.twitter.com/VoSGhOTgyN
„А жената е личност која во многу случаи е третирана многу лошо. Затоа што мислам дека она што се случува со ова лудо, лудо прашање за тоа дека мажите можат да играат женски спортови е само смешно и многу неправедно кон жените, а многу понижувачко кон жените“, рече Трамп.
За потсетување, администрацијата на Трамп презеде брза акција за борба против родовата идеологија. Трамп потпиша наредба која посебно се однесува на прашањето на транс спортистите во женскиот спорт. Наредбата им забранува на образовните институции кои добиваат федерални средства да им дозволуваат на транс спортистите да се натпреваруваат против жени.
© Vecer.mk, правата за текстот се на редакцијата
