Новоизбраниот американски претседател Доналд Трамп го отфрли синоќа буџетскиот план што требаше да спречи затворање на федералната влада за Божиќ и им порача на претседателот на Претставничкиот дом, Мајк Џонсон и на републиканците повторно да преговараат за планот, што во сегашната форма има поддршка и од републиканците и од демократите.
Сето тоа се случува на само неколку дена пред крајниот рок за усвојување. Ако рокот помине, нема да има средства за финансирање на федералната влада и нејзините агенции.
Ненадејното влегување на Трамп во дебатата и новите барања предизвикаа збрка во Конгресот додека пратениците се обидуваат да ја завршат својата работа и да се упатат дома за празниците.
Затоа Џонсон остана буден до доцна во ноќта обидувајќи се да смисли нов план пред крајниот рок - денеска (петок) за да ја одржи владата отворена. Новоизбраниот претседател на САД и потпретседателот Џеј Ди Ванс изнесоа речиси неизводлив предлог во кој комбинираат продолќување на финансирањето на владии фондови со многу контроверзна идеја за подигање на границата на државноито задолжување. Тоа подигнување на таа граница на задолжување републиканците своевремено рутински го одбиваа, јавија американските медиуми.
© Vecer.mk, правата за текстот се на редакцијата
