Американскиот Стејт департмент ги предупреди американските граѓани да не патуваат во Црна Гора поради пандемијата со коронавирусот.
Во соопштението кое го пренесуваат дел од агенциите се наведува дека патниците кои одат во Црна Гора може да се соочат со затворање на границите и аеродромите, забрани за патувања, наредби да не ја напуштаат куќата, затворање на деловни активности и други итни случаи поради вирусот корона.
Центрарот за контрола и превенција од болести ги предупредува патниците дека треба да ги избегнуваат сите патувања во Црна Гора, бидејќи тоа може да ја зголеми можноста за инфекција и ширење на коронавирусот.
Издадено е и предупредување дека оние кои се во Црна Гора строго треба да се придржуваат до вообичаените епидемиолошки мерки, како што се носење маски, држење дистанца и грижа за хигиена на рацете.
makfax.com.mk
