Украинскиот заменик-претседател Алексеј Арестович објави дека руските сили се подготвуваат за „најтешката битка“ во стратешки важниот јужен регион Херсон.
„Со Херсон сè е јасно. Русите внесуваат резерви, ја зајакнуваат нивната групација таму. Тоа значи дека не планираат да се повлечат. Напротив, најтешката битка ќе се води за Херсон“, рече Арестович вчера во видеото објавено на социјалната мрежа Телеграм.
Јуриј Соболевски, регионален заменик на Украина за Херсон, рече дека властите назначени од Москва вршат зголемен притисок врз жителите на градот да се евакуираат.
Руските власти претходно ги повикаа жителите на Херсонската област да се евакуираат и најавија дека Украина планира офанзива против регионот.
Од четирите области кои го најавија пристапот кон Русија во септември, Херсон е веројатно стратегиски најважниот, оценува Гардијан.
Го поврзува единствениот копнен пат до полуостровот Крим, кој беше припоен од Русија во 2014 година, и устието на реката Днепар.
© Vecer.mk, правата за текстот се на редакцијата
