Потпретседателката Камала Харис води пред Доналд Трамп со 44 наспроти 42 проценти меѓу регистрираните гласачи во најновата национална анкета на Ројтерс/Ипсос, спроведена вчера и завчера откако Бајден во неделата се откажа од трката за белата куќа и ја поддржа Харис за негов наследник.
Потпретседателката на САД, Камала Харис го опиша нејзиниот ривал Трамп како измамник и сексуален предатор додека зборуваше на нејзиниот прв предизборен митинг во Милвоки како претседателски кандидат– фаќав измамници кои малтретирале жени. Измамници кои ги крадеа потрошувачите. Измамници кои ги прекршиле правилата за своја корист. Затоа, слушнете ме кога велам дека ги познавам типовите како Доналд Трамп – рече Харис.
Таа вети дека ќе се бори за средната класа и ќе работи на искоренување на сиромаштијата. Но, еден од најгласните аплаузи за поддршка дојде на темата за правата на абортусот.
© Vecer.mk, правата за текстот се на редакцијата
