„27-годишниот осомничен подготвувал напад со мачета со намера да убие војници на Бундесверот во центарот на градот Хоф“, соопшти државното обвинителство во Минхен.
Во соопштението понатаму се наведува дека уапсениот Сириец планирал да ги нападне војниците за време на нивната пауза за ручек со намера „да убие што е можно повеќе војници“.
„Така, осомничениот, за кого се претпоставува дека е следбеник на радикалната исламистичка идеологија, сакал да шири страв и паника меѓу граѓаните“, се вели во соопштението.
Сириецот, за кого не се наведува кога и под кои околности пристигнал во Германија, бил уапсен вчера во околината на градот Хоф на северот на сојузната покраина Баварија.
На крајот на август во Солинген, Сириец нападна на градски фестивал, при што уби тројца и рани осум лица.
Овој напад предизвика нова дебата за односот на Германија кон нерегуларната миграција.
© Vecer.mk, правата за текстот се на редакцијата
