Одлуката денеска ја донесе унгарскиот парламент и со тоа исчезна и последната пречка за членство на Шведска во Северноатлантскиот договор.
Шведскиот премиер Улф Кристерсон со ентузијазам реагираше на одлуката на унгарскиот парламент, велејќи дека тоа е „историски ден“.
#BREAKING Last holdout Hungary ratifies Sweden's NATO bid pic.twitter.com/F1j1Brtklx
— AFP News Agency (@AFP) February 26, 2024
Историски неутрална Шведска, да потсетиме, поднесе барање за приклучување кон западната воена алијанса пред речиси две години. Гласањето, кое се одржа денеска во Будимпешта, уследи по состанокот во петокот меѓу шведскиот премиер Улф Кристерсон и неговиот унгарски колега Виктор Орбан, на кој тие се согласиле да ги остават настрана нивните разлики - велејќи дека се „подготвени да умрат еден за друг“.
© Vecer.mk, правата за текстот се на редакцијата
