Сите четири лица на летот, меѓу кои и еден американски војник, загинале во несреќата, пренесе Аеро Тајм.
Метреа го потврди инцидентот во официјална изјава, наведувајќи дека нема преживеани.
„Можеме да потврдиме дека околу 14:00 часот по локално време во четврток, 6 февруари, авион со четири лица, вклучително и еден американски војник, се урна во близина на Ампатуан“, соопшти компанијата.
„Со длабоко жалење потврдуваме дека нема преживеани. Семејствата на нашиот екипаж се информирани и им даваме целосна поддршка.“
Локалните власти и итната помош брзо пристигнале на местото на несреќата, но не пронашле преживеани. Метреа го активира својот план за одговор при итни случаи и работи со владините агенции за да се утврдат причините за несреќата.
Beechcraft 350 King Air е двомоторен авион кој често се користи за воздушно набљудување, транспорт и мисии за извидување, што е една од услугите што ги обезбедува Metrea.
Според американската Индо-пацифичка команда, авионот бил ангажиран во мисија за разузнавање, надзор и извидување (ИСР), на барање на филипинските власти.
„Инцидентот се случи за време на рутинска мисија како дел од активностите за безбедносна соработка меѓу Соединетите држави и Филипините“, потврди американската Индо-пацифичка команда во соопштението.
© Vecer.mk, правата за текстот се на редакцијата
