„Шпанија во моментов не разгледува никаква мисија во Ормутскиот теснец бидејќи станува збор за нелегална војна во која има многу мртви. Целта мора да биде да се заврши војната, и тоа веднаш“, рече Роблес во обраќањето до медиумите. Трамп претходно предупреди на „многу лоша иднина“ за сојузниците на НАТО кои не се приклучат на акцијата во Ормутскиот теснец.
Албарес: Војната мора да престане
Ситуацијата во теснецот е сериозна загриженост за Европа, но ставот на Европската Унија треба да биде дека војната мора да престане без оглед на економските фактори, рече министерот за надворешни работи Хозе Мануел Албарес.
„Не смееме да правиме ништо што дополнително би ја зголемило тензијата или би довело до понатамошна ескалација на ситуацијата“, им рече тој на новинарите во Брисел. Некои членки на ЕУ, како што се Германија, Италија или Грција, исто така посочија дека нема да се приклучат на воените операции во теснецот, додека други, вклучително и Данска, сè уште не донеле одлука.
© Vecer.mk, правата за текстот се на редакцијата
