Министерот за надворешни работи на Украина, Андриј Сибига, изјави дека воспоставил контакт со идната унгарска министерка за надворешни работи, Анита Орбан, нагласувајќи ја подготвеноста на Киев за „нова страница“ во односите со Унгарија, јави унгарската новинска агенција МТИ.
- Веќе стапивме во контакт. Подготвени сме да започнеме одново со Унгарија - рече Сибига на прес-конференција, додавајќи дека Украина е отворена за конструктивен дијалог за сите актуелни прашања.
Според неговите зборови, Киев е подготвен да ги разгледува темите „разумно и во согласност со европските норми“, со цел остварување на заемно корисна соработка.
- Тоа е во интерес на двата народа и на нашата заедничка европска иднина - подвлече тој.
© Vecer.mk, правата за текстот се на редакцијата
