Андриј Коваленко, шеф на Центарот за борба против дезинформации при Советот за национална безбедност и одбрана на Украина, на Телеграм напиша дека некои севернокорејски војници биле преместени во регионот Белгород.
„Дел од војниците од Демократска Народна Република Кореја се преместени во пограничната област на регионот Белгород“, напиша Коваленко, користејќи го официјалното име на Северна Кореја. „Нема такви во регионот Харков.“
Белгородската област се наоѓа јужно од Курската област и веднаш преку границата со украинската Харковска област, која го вклучува вториот по големина град во Украина, Харков. Рускиот град Белгород во минатото беше цел на украински напади.
Во меѓувреме, висок украински воен извор за Ројтерс изјави дека Украина изгубила повеќе од 40 отсто од територијата што ја зазеде за време на ненадејната офанзива на Курск кон крајот на летото. „Во еден момент контролиравме приближно 1.376 квадратни километри, но сега таа територија е помала. Непријателот ги зголемува контранападите“, изјави неименуван извор од Генералштабот на вооружените сили на Украина. „Во моментов контролираме приближно 800 квадратни километри“, додаде тој.
© Vecer.mk, правата за текстот се на редакцијата
