Обилните дождови предизвикаа лизгање на земјиштето што затрупа луѓе во зоната Гофа во јужна Етиопија во неделата вечерта, а второто лизгање на земјиштето во понеделникот ги зафати оние кои беа вклучени во спасувачките напори, објави Ројтерс.
„Се очекува бројот на загинати да се искачи на 500 луѓе според информациите добиени од локалните власти“, се вели во извештајот на UNOCHA. Националната комисија за управување со катастрофи на Етиопија објави дека бројот на загинати во вторникот е 229.
Дагмави Ајеле, администратор за зоната Гофа, рече дека спасувачите досега извлекле 226 тела, кои беа закопани со погребна церемонија, а трагаат по уште 20. „Премногу е опасно да се приближиме до областа“, рече Ајеле, додавајќи дека дождот продолжил да врне и денеска.
© Vecer.mk, правата за текстот се на редакцијата