Џон Хили изјави дека бродот Јантар се користи за собирање разузнавачки информации и мапирање на критичната подводна инфраструктура на Обединетото Кралство.
Според Би-Би-Си, тој го нарече инцидентот „уште еден пример за растечка руска агресија“.
„Сакам и претседателот Путин да ја слушне оваа порака: ве гледаме, знаеме што правите и нема да се двоумиме да преземеме решителна акција за да ја заштитиме оваа земја“, додаде тој.
Според Би-Би-Си, Русија го опишува Јантар како океанографски истражувачки брод управуван од Министерството за одбрана на земјата. Западните земји често го следат бродот додека работи во европските води и се сомневаат дека дел од неговата мисија е да мапира подводни кабли.
"We see you, we know what you're doing and we will not shy away from robust action to protect this country". @RoyalNavy vessels have been tracking a Russian spy ship in the English Channel just weeks after it was caught loitering over critical undersea infrastructure. pic.twitter.com/rqF4xuB4Yj
— Ministry of Defence 🇬🇧 (@DefenceHQ) January 22, 2025
Тие исто така веруваат дека Русија ги интензивира ваквите активности откако започна целосна инвазија на Украина. Покрај опремата за надзор, бродот може да користи и подводни дронови способни да стигнат до морското дно. Подводната инфраструктура е клучна за снабдување со енергија преку електрични кабли и гасоводи, додека повеќе од 95% од интернет сообраќајот се обезбедува од подморски кабли.
🇬🇧 A Russian Spy Ship named “Yantar” entered British waters, loitering and gathering intelligence about UK’s underground infrastructure.
— Sytheruk 🇬🇧 🇺🇦 (@SythUK) January 22, 2025
HMS Somerset and HMS Tyne were sent to monitor them.
We then had our Submarine 🇬🇧 surface close to the Russian Ship, who then left the area pic.twitter.com/54PR2U2EPg
Хили рече дека Јантар моментално се наоѓа во Северното Море, поминал низ британските води и бил откриен на 72,4 километри од британскиот брег во Ла Манш во понеделникот. „Во последните два дена Кралската морнарица ги распореди бродовите ХМС Сомерсет и ХМС Тајн за да го надгледуваат овој брод секоја минута додека минува низ нашите води“, рече тој.
„Ги сменив правилата за ангажман на Кралската морнарица за нашите воени бродови да можат повнимателно и попрецизно да го следат Јантар. Досега бродот ги почитуваше меѓународните навигациски правила“.
Секретарот за одбрана рече дека ова е втор пат во последниве месеци бродот да навлезе во британските води, при што Јантар исто така бил откриен во ноември „лутајќи над критичната британска подводна инфраструктура“, објави Би-Би-Си.
This statement from the Defence Secretary about a ‘Russian spy ship’ passing through UK waters TWICE in recent months is worth reading
— Victoria Derbyshire (@vicderbyshire) January 22, 2025
‘President Putin …we know what you are doing’ says John Healey pic.twitter.com/0ZgmMDSmAW
Тој додаде дека подморницата на Кралската морнарица е овластена да исплива во близина на Јантар „само како одвраќање“ и „да стави јасно до знаење дека го следиме секој нејзин потег“. „Бродот потоа ги напушти британските води без дополнително одлагање и отплови кон Медитеранот“, рече тој.
Хили нагласи дека владата го зајакнува својот одговор на руските активности на море со сојузниците од НАТО. Тој изјави дека Кралските воздухопловни сили ќе обезбедат авиони за набљудување за да се приклучат на мисијата на НАТО за заштита на критичната инфраструктура во Балтичкото Море.
Овој развој на настаните доаѓа откако во декември беше оштетен подводниот кабел меѓу Естонија и Финска, а финската полиција истражува дали во инцидентот учествувал руски брод.
© Vecer.mk, правата за текстот се на редакцијата
