Лидерот на Чеченија Рамзан Кадиров го обвини генерал-полковникот Александар Лапин, кого Путин го одликува летово, за загубата на стратешкиот град Лиман во Украина.
Кадиров го објави ова на својот канал Телеграм, набргу откако руското Министерство за одбрана соопшти дека ги повлече силите од Лиман и отиде на „поповолни позиции“.
Кадиров изјави дека Лапин распоредил мобилизирани единици од регионот на Луганск и други единици за одбрана на Лиман, без да обезбеди нивна координација и испорака на муниција. Тој исто така изјави дека го преселил својот штаб во Старобилск во областа Луганск, кој се уште е релативно далеку од линијата на фронтот.
- Не е страшно што Лапин е неталентиран. Страшното е што има поддршка на врвот. Да се прашувам, би му го земал чинот, би му ги земал наградите и би го испратил на фронт со пушка во рака за да му го измие срамот со крв - изјави Кадиров.
Тој го повика Путин да „преземе драстични мерки“ и да воведе воена состојба во пограничните региони и да користи помалку моќно нуклеарно оружје.
