Американските напади врз Иран грубо го кршат меѓународното право и повелбата на ОН, соопшти руското Министерство за надворешни работи и повика на прекин на агресијата на Блискиот Исток и зголемување на напорите за враќање на ситуацијата во политички и дипломатски колосек.
„Повикуваме на прекин на агресијата и зголемување на напорите за создавање услови за враќање на ситуацијата во политички и дипломатски тек. Со неодговорната одлука за подложување на територијата на суверена држава на ракетни и напаѓачки бомби, без оглед на аргументите што се користат за оправдување на тоа, грубо се крши меѓународното право, Повелбата на ОН и резолуцијата на Советот за безбедност на ОН, кои недвосмислено ги квалификуваа ваквите дејствија како неприфатливи“, се наведува во соопштението на руското Министерство по американскиот напад врз нуклеарен објект во Иран.
Американскиот претседател Доналд Трамп соопшти дека САД изминатата ноќ гаѓале три постројки за збогатување ураниум во Иран и дека три објекти се целосно уништени. Според него, постигнат е „спектакуларен воен успех“. Нуклеарните постројки кои биле погодени од американски бомбардери се Фордо, Натанц и Исфахан.
© Vecer.mk, правата за текстот се на редакцијата
