Рубио рече дека Хамас „во принцип“ го прифатил предлогот на претседателот Доналд Трамп и рамката за ослободување на заложниците, а во тек се состаноци за координирање на логистиката по ова прашање.
- Тие исто така се согласија, во принцип и генерално, да се приклучат на идејата за тоа што ќе се случи следно. Многу детали ќе треба да се разработат, додаде американскиот државен секретар.
Според него, САД „многу брзо“ ќе откријат дали палестинската група Хамас е сериозна или не за време на тековните технички разговори за координирање на ослободувањето на заложниците.
- Првиот приоритет што мислиме дека можеме да го постигнеме многу брзо е ослободувањето на сите заложници во замена за повлекување на Израел кон жолтата линија во Газа - каде што беше во средината на август, рече Рубио.
Тој ја опиша втората фаза планот за долгорочната иднина на Газа како „уште потешка“.
- Што ќе се случува откако Израел ќе се повлече до жолтата линија и потенцијално подалеку од неа, како ќе се развива ситуацијата? Како да се создаде палестинско технократско водство кое не е Хамас. Како да се разоружаат сите терористички групи што градат тунели и вршат напади врз Израел? Како да ги натерате да се демобилизираат? Сето ова ќе биде тешко, но е клучно бидејќи без тоа нема да има траен мир, заклучи Рубио.
© Vecer.mk, правата за текстот се на редакцијата
