Неколку лица загинаа, а неколкумина се сериозно повредени во пожар во фабрика во Лонгвју, во близина на границата на државата Вашингтон со Орегон во северозападниот дел на САД, соопштија локалните власти во вторник. Противпожарната служба на Лонгвју, во заедничка изјава со „Нипон Дајнавејв Паккинг“ и локалните власти, потврди дека во инцидентот имало жртви и повеќекратни тешки повреди. Точниот број на жртви сè уште не е објавен.
Службите за итни случаи реагираа на местото на настанот откако сад што содржел бела течност пукна и течноста се излеа во кругот на фабриката.
„Во овој момент, официјалните лица велат дека нема непосредна закана за околната заедница“, се додава во соопштението.
Фабриката во Лонгвју, Вашингтон, е во сопственост на Nippon Dynawave Packaging, подружница во целосна сопственост на јапонската мултинационална Nippon Paper Industries Co., Ltd. Компанијата произведува картонска амбалажа за течности.
Шефот на противпожарната и спасувачка служба на Каулиц, Скот Голдштајн, рече дека бројот на жртви сè уште не е утврден, додека 10 лица се потврдени повредени во несреќата, вклучувајќи еден пожарникар.
Today, Tuesday, May 26, 2026, at approximately 7:15 a.m. local time, a chemical tank at the Nippon Dynawave paper mill in Longview, Washington imploded, causing a major chemical release.
— Lee Merritt (@LeeMerrittesq) May 26, 2026
Multiple workers have been confirmed dead, others remain unaccounted for, and several… pic.twitter.com/xVjZtwhtej
Според него, повредите се движеле од полесни до исклучително сериозни и опасни по живот. Тој додаде дека пукнатиот сад имал капацитет од околу 300.000 литри и бил полн околу 60 проценти.
© Vecer.mk, правата за текстот се на редакцијата
