Бројот на жртви од пожарот во трговскиот центар „Гул Плаза“ во Карачи се искачи на 21, откако пакистанските пожарникари почнаа да ги извлекуваат телата од изгорените остатоци од трговскиот центар, каде што повеќе од 60 лица сè уште се водат како исчезнати.
Голем дел од зградата досега е урна, а остатокот е срушен со кранови поради стравувања дека може самата да се сруши.
За време на посетата на местото на настанот од страна на градоначалникот на Карачи, Муртаза Вахаб, толпата извикуваше антивладини слогани и протестираше против, како што наведоа, бавниот одговор на пожарникарите, според Ројтерс.
Претходните извештаи го објавија бројот на жртви на 11. Пожарот избувна во саботата навечер, а причината за пожарот сè уште не е позната.
Делови од трговски центар во историскиот центар на Карачи во Пакистан беа сведени на урнатини, а видео снимките покажуваат како пламен излегува од зградата додека пожарникарите се бореа во текот на ноќта за да го локализираат пожарот во густо населениот деловен округ.
© Vecer.mk, правата за текстот се на редакцијата
