Руските власти нема присилно да ги задржуваат граѓаните кои сакаат да одат на одмор во странство или да патуваат низ Русија, но секој руски граѓанин треба да ја знае ситуацијата со Ковид-19 во другите земји, изјави рускиот претседател Владимир Путин.

Тој рече дека некои земји, каде што туризмот игра голема улога во економијата, веќе објавиле дека се отворени за туристи.

„Се разбира, не смееме и не можеме да забраниме никому да патува, ниту ќе го сториме тоа. Оние што сакаат да заминат во странство, нека одат“, рече Путин, а пренесе агенцијата „Тасс“.

Путин апелираше до граѓаните да посветат посебно внимание на она што се случува во земјите на југот на Европа.

„Ова е многу тешка ситуација и не се подобрува“, оцени Путин.

Претседателот на Русија изрази надеж дека вакцинацијата ќе ја подобри состојбата на подобро.

makfax.com.mk