Руската инвазија во Украина се одвива според планот, погрешно е да се прилагодувате на одреден рок, руските војници ги постигнуваат своите цели, изјави рускиот претседател Владимир Путин.
-Работиме смирено, војниците се движат, стигнувајќи до линиите кои се поставени како задачи. Се оди според планот, изјави Путин за медиумите.
Тој напомена дека не вреди да се зборува за времето на операцијата.
- Не треба да зборувате за рокови, ова е живот. Ова се вистински работи. Погрешно е да се прилагодувате на некои рокови. Ова се должи на интензитетот на непријателствата, а интензитетот е директно поврзан со можни загуби, рече претседателот.
Русија започна воена инвазија во Украина на 24 февруари. Претседателот Владимир Путин нејзината цел ја нарече „заштита на луѓето кои осум години биле изложени на малтретирање и геноцид од режимот во Киев“.
Според Министерството за одбрана на Руската Федерација, вооружените сили се фокусирани само на воената инфраструктура и украинските трупи, а на 25 март беа завршени главните задачи од првата фаза - значително го намали борбениот потенцијал на Украина.
Сега, главната цел на руската армија е да го ослободи Донбас.
