Фреди Јуџин Овенс (46) ќе биде погубен на 20 септември за убиство на продавачката Ајрин Грејвс за време на низа грабежи во Гринвил.
Овенс убил и колега затвореник во затворот во округот Гринвил откако бил осуден во 1999 година.
Една од „најпрометните“ држави во однос на егзекуциите, Јужна Каролина, се бореше во претходните години да добие супстанции за смртоносни инјекции поради загриженоста на компаниите за лекови дека ќе биде откриено дека продавале смртоносни супстанции на државни службеници, додава АП.
Потоа беше донесен закон во таа држава со кој им се дозволува на службениците да го скријат името на давателот на смртоносна инјекција.
Во јули државниот Врховен суд дозволи егзекуциите да продолжат.
Се очекува на Овенс да му биде понудена смртоносна инјекција, електричната столица или стрелачкиот вод.
Последната егзекуција со стрелачки вод во САД беше извршена во Јута во 2010 година.
© Vecer.mk, правата за текстот се на редакцијата
