Птивремениот претседател на Мали, Бах Ндав и премиерот Моктар Уан се ослободени, откри тамошен воен претставник, три дена откако двајцата политичари беа приведени и лишени од овластувањата во вториот државен удар за девет месеци.

“Привремениот претседател и премиерот беа ослободени преку ноќ, околу 01:30 часот по локално време. Стоевме зад нашите зборови”, изјави воен службеник за Франс Прес, сакајќи да остане анонимен.

Членовите на семејството потврдија дека претседателот и премиерот се ослободени.

Двајцата лидери беа ослободени еден ден откако војската објави дека претседателот и премиерот поднеле оставка во притвор, што за Обединетите нации е неприфатливо. На Ндав и Оуан им беше дадена задача по државниот удар минатиот август да ја водат државата до воспоставувањето на цивилното владеење. Армијата ги приведе во понеделникот, а меѓународната заедницатоа  го прогласи за нов државен удар.