Уште еден во низата инциденти со силни турбуленции заврши со хоспитализација на патници.
Инцидентот се случил вчера на летот ТК24 на Туркиш ерлајнс од Истанбул (IST) до Тајпеј (ТПЕ). За време на летот на Boeing 777-300ER (TC-JJE) над Кина, на околу 10.100 метри надморска височина дошло до силни турбуленции, објави The Aviation Herald.
На видеото снимено во авионот на турската авиокомпанија јасно се гледа како облека, храна и други работи се расфрлани низ кабината Четворица патници и двајца членови на екипажот се повредени, но и покрај тоа, екипажот на летот решил да го продолжи патувањето до Тајпеј.
2 crew members and 4 passengers injured by turbulence on board a Turkish Airlines flight enroute to Taipei.
— Breaking Aviation News & Videos (@aviationbrk) September 5, 2024
Taoyuan Airport stated that flight TK24 carried a total of 17 crew members and 214 passengers. After landing, it was found that 2 crew members and 4 passengers were… pic.twitter.com/uEAVu4NQW6
Авионот безбедно слетал на аеродромот во Тајван два часа подоцна. Итната помош им пружила лекарска помош на патниците и членовите на екипажот, а двајца од нив поради тежината на повредите се пренесени во болница.
Податоците од службата за следење летови FlightRadar24 покажуваат дека Боинг 777 останал на земја четири часа пред да полета за Истанбул. Се чини дека Боингот 777 не бил оштетен бидејќи вчера и денеска продолжил да лета редовно.
Турбуленциите стануваат сè посериозен проблем за авиоиндустријата. Претходните месеци беа забележани голем број инциденти кои резултираа со тешки повреди - додека на еден лет загина патник.
Авиокомпаниите се обидуваат да ги ублажат последиците од турбуленциите, а една од мерките се однесува на храна во авионите. Во средината на август, Korean Air престана да им служи нудли на патниците во економска класа поради ризик од турбуленции, односно жешките тестенини да се излеат и да предизвикаат потенцијални изгореници на кожата.
© Vecer.mk, правата за текстот се на редакцијата
