Помошник началникот на полицијата во Милвоки, Пол Формоло, на прес-конференција изјави дека полицијата одговорила на повикот на граѓани да ја проверат состојбата во една куќа, кога пронашле тела на пет лица – четворица мажи и една жена.
– Сите пет смртни случаи се третираат како убиства. Идентитетот на жртвите се уште се утврдува, а ќе бидат извршени и обдукции, рече Формоло.
Тој додаде дека сè уште не се познати мотивите и дека нема информации што би навестиле дека постои опасност за заедницата.