Потврден притворот за Хашим Тачи

Советот на Апелациониот суд во Хаг го потврди притворот за поранешниот главен командант на ОВК, како и за другите началници на таа паравоена единица.

На 30 април советот донесе четири решенија со кои се одбиени жалбите на одбраната на Хашим Тачи, Кадри Весели, Реџеп Селими и Јакуп Красниќи против одлуките на судијата на претходна постапка, со кои се одбиени четирите барања за привремено ослободување.

Во февруари Тачи и останатите тројца побараа од судијата на претходна постапка да им го укине притворот и да ги ослободи привремено, што судијата го одби и тие поднесоа жалби.

Сите четворица беа уапсени на 5 ноември минатата година. Тачи претходно поднесе оставка од претседателската функција и се предаде на Хашкиот трибунал.

Сите четворица поранешни началници на ОВК се обвинети за голем број воени злосторства и злосторства против човештвото и се товарат за злосторства на 40 места каде што луѓето биле неосновано лишени од слобода, мачени и убиени. Сите се соочуваат со доживотен затвор.