Хосе Мухика беше поранешен претседател на Уругвај и еден од најпознатите левичарски политичари во Латинска Америка. Роден е на 20 мај 1935 година во Монтевидео, а функцијата претседател ја извршуваше од 2010 до 2015 година, пренесуваат сите светски медиуми.
Бил член на левичарската герилска група Тупамарос во текот на 1960-тите и 1970-тите, која се борела против воената диктатура во Уругвај. Бил повеќепати ранет и поминал околу 14 години во затвор, често во многу тешки услови, вклучувајќи и самичен притвор.
По враќањето на демократијата во Уругвај, станал политички активен преку партијата Широк фронт (Frente Amplio) и обавувал функции на пратеник, министер за земјоделство и на крај – претседател.
Светска слава стекна поради својот скромен животен стил. Живееше на мала фарма, возеше стара „буба“ (VW Beetle) и донираше околу 90 отсто од својата претседателска плата во хуманитарни цели.
© Vecer.mk, правата за текстот се на редакцијата
