Пијана 28-годишна Германка плеснала полицаец по задникот и завршила во ќелија на трезнење. Освен тоа може да очекува и тужба за сексуално вознемирување, барем така најавиле властите.
Инаку, според полицискиот извештај девојката полицаецот го нападнала на главната улица во Дортмунд. Му пришла од зад грб и со дланката го плеснала по задникот.
Бидејќи немала документи за да ја легитимираат, ја однеле во блиската станица. За трагедијата да биде уште поголема таа дури и ги навредувала полицајците кои ја привеле.
