Според најновите извештаи, бројот на жртви надмина 800, а спасувачките екипи сè уште бараат преживеани.
„Деца се под урнатините, стари луѓе, млади луѓе...“ рече селанец во Нургал, најтешко погоден од земјотресот.
Со солзи во очите, жителите копаа низ урнатините, барајќи ги своите најблиски.
„Ни треба помош. Ни требаат луѓе да дојдат и да ни помогнат да ги извлечеме луѓето што се затрупани. Нема никој да дојде и да ги извлече нашите мртви“, рекоа тие во очај.
Спасувачките екипи се распоредени на неколку локации на истокот од земјата, а хеликоптерите помагаат во евакуацијата на повредените на безбедно место, додека во урнатините се бараат преживеани.
Министерството за внатрешни работи на Талибанците соопшти дека огромното мнозинство од смртните случаи се случиле во регионот Кунар - повеќе од 600, додека најмалку десет загинале во Нангархар.
Земјотресот е регистриран во недела навечер, околу 23:30 часот по локално време. Епицентарот бил недалеку од градот Џалалабад, во близина на границата со Пакистан, на длабочина од десет километри.
Областа е подложна на чести земјотреси.
© Vecer.mk, правата за текстот се на редакцијата
