Но, по неколку дена, многу од нив се чувствуваат помалку еуфорично, бидејќи некои политичари ја доведуваат во прашање нивната иднина во оваа земја.
Во Германија има околу милион луѓе со сириски пасоши. Повеќето од нив дојдоа од 2015-16 година, откако владата на тогашната канцеларка Ангела Меркел одлучи да не ги затвора границите на Германија за бегалците кои бегаат од граѓанската војна, објави Би-Би-Си.
Расположението во тоа време беше дека Германија ќе успее да ги асимилира бегалците и со тоа делумно да ја ублажи заканата од недостиг на работна сила. Климата сега е многу поинаква. Неколку часа по веста дека режимот на Башар ал Асад паднал, во Германија започна жестока политичка дебата за тоа дали сириските бегалци треба да се вратат во својата татковина.
Germany's one million Syrians at centre of fierce debate over their future https://t.co/hSpL7cfiUh
— BBC News (World) (@BBCWorld) December 11, 2024
Во Германија на 23 февруари се одржуваат вонредни парламентарни избори. Прашањето за мигрантите е на врвот на сите анкети меѓу гласачите. Загрижувачки е тоа што некои политичари очигледно веруваат дека жестокото зборување за сириските бегалци ќе им донесе гласови.
Конзервативците и екстремните десничари наведуваат дека ако Сиријците мораат да побегнат во Германија од режимот на Асад, тогаш мора веднаш да се вратат во својата татковина.
„Ако причината поради која тие побарале азил исчезнала, тогаш веќе нема правна основа за да останат во земјата“, изјави Маркус Седер, конзервативниот лидер на Баварија.
Пратеничката група на опозициската Христијанско-демократска унија (ЦДУ), исто така, предложи план за плаќање по 1.000 евра на Сиријците кои сакаат да ја напуштат Германија.
„Кој го прослави ослободувањето на Сирија во Германија, очигледно веќе нема причина да остане овде. Тој веднаш треба да се врати во Сирија“, рече Алис Вајдел, лидер на екстремно десничарската Алтернатива за Германија (AfD).
Интересно е што Сахра Вагенкехт, која основаше екстремно левичарска антимигрантска партија претходно оваа година, има сличен став.
„Очекувам Сиријците, кои го прославија фактот дека исламистите ја презедоа власта, да се вратат во својата земја што е можно поскоро“, изјави таа за „Штерн“.
Од друга страна, Зелените, партија која беше дел од тричлената коалициска влада, ги осудија ваквите постапки како „неодговорни и популистички“.
„Секој кој ја поврзува актуелната ситуација во Сирија со политичките цели на својата партија, го изгубил чувството за реалност на Блискиот Исток. Никој не може да предвиди што ќе се случи во Сирија денес, или во следните неколку дена“, рече Аналена Бербок, шефица на германската дипломатија.
Во понеделникот, германската Федерална канцеларија за миграција и бегалци престана да прифаќа барања за азил од бегалци од Сирија.
Ова директно влијае на 47.270 Сиријци кои чекаат одговор на нивните барања за азил во Германија. Истражувањата покажуваат дека бегалците од Сирија пред десет години имале во просек по 25 години и имале повисоко ниво на образование. За споредба, Сиријците имаат повисока стапка на вработеност од мажите родени во Германија.
Само во Германија живеат и работат дури 5.000 лекари од Сирија. Повеќето од нив добиле германско државјанство. Во периодот од 2021 до 2023 година германско државјанство добиле вкупно 143.000 Сиријци.
Во исто време, околу 700.000 Сиријци се наоѓаат во Германија како баратели на азил и се регистрирани како бегалци.
© Vecer.mk, правата за текстот се на редакцијата
