По хаотичниот состанок во Овалната канцеларија, советникот за национална безбедност Мајк Волц даде интервју за Фокс њуз во кое го опиша моментот кога му кажал на украински претседател Володимир Зеленски дека е време да ја напушти Белата куќа.
Конфликтот меѓу Доналд Трамп и Зеленски ескалира вчера за време на средбата во Белата куќа, кога американскиот претседател го обвини Зеленски дека не е подготвен за мир и дека не е доволно благодарен за американската помош досега.
Потпретседателот Џеј-Ди Венс го поддржа Трамп во критиките на украинскиот претседател, а средбата ненадејно заврши. По инцидентот, Трамп и Зеленски се повлекоа во посебни простории додека високи американски претставници разговараа за понатамошни чекори.
Валцизјави за Фокс њуз дека тој, државниот секретар Марко Рубио и други високи функционери „едногласно го советувале претседателот дека, по таквата навреда во Овалната соба, понатамошниот ангажман со Зеленски не може да донесе ништо добро, туку само да ја влоши ситуацијата“.
Запрашан од Фокс њуз дали Зеленски ја разбира сериозноста на ситуацијата, Валц рече: „Не, не. Искрено, неговиот тим го направи тоа. Неговиот амбасадор и неговиот советник беа буквално - мислам, буквално во солзи, сакаа разговорите да продолжат. Но Зеленски сè уште беше аргументиран“.
Валц изјави и дека јасно му ставил до знаење на украинскиот претседател дека времето не е на негова страна.
„Времето не е на ваша страна. Времето не е на ваша страна на бојното поле. Времето не е на ваша страна во контекст на светската ситуација, и што е најважно, американската помош и трпението на даночните обврзници не се неограничени“, му рекол Валц.
Тој додаде дека Зеленски „сè уште не сфатил дека има нов шериф во градот“. „Ова е нов претседател и ние сме решени да воведеме нов пристап кон мирот.
© Vecer.mk, правата за текстот се на редакцијата
