Денеска уште еден силен потрес но од 5,1 степен го погоди Мјанмар. Според локалните власти, урнати се мостови, уништени се бројни згради, а патиштата се искривени во големи делови од земјата.
Најголемо уништување е забележано во Мандалеј, вториот по големина град, каде што се забележани најмногу жртви, а снимена е огромна пукнатина.
MASSIVE ground rupture/crack has appeared in Myittha, Mandalay Region, following the powerful M7.7 earthquake in Myanmar 😱👀 pic.twitter.com/vFlPet0XPH
— Volcaholic 🌋 (@volcaholic1) March 28, 2025
Службите за итни случаи ги засилуваат напорите за потрага по преживеани, првите странски спасувачки екипи утрово пристигнале во Мјанмар. Според еден од спасувачите со огромни натлчовечки напори се обидуваат да ги извлечат преживеаните, но проблем е недостигот на механизација.
Тие се уште молат за помош, ги слушаме, но не знаеме каде се, ако добиеме механизација, можеме да ги спасиме преживеаните, вели член на спасувачките екипи.
Лидерот на армијата на Мјанмар прогласи вонредна состојба и ги замоли сите што можат да помогнат да пристигнат.
ООН веќе е во контакт со властите.Во земјотресот сериозни оштетувања претрпеле и неколку историски споменици во Мјанмар, вклучувајќи ја и популарна туристичка атракција, историската кралска палата во Мандалај, еден од најисториските споменици во земјата.
Американскиот геолошки институт проценува дека бројот на загинати во Мјанмар би можел да надмине 10.000 а американскиот геолог Џес Феникс за Си Ен Ен изјавил дека „Силата ослободена од ваков земјотрес е еквивалентна на околу 334 атомски бомби“.
Тој предупредува дека последователните потреси најверојатно ќе продолжат да го тресат регионот. Најмалку девет лица загинале и во соседен Тајланд.
Bangkok on Friday afternoon after the severe earthquake. Trains aren't running and taxis are scarce. So people have to walk home: pic.twitter.com/mr4zyFxdmh
— ฿คຖgk๐k-฿๐y - หนุ่มบางกอก 🇹🇭 (@Bangkokboy17) March 28, 2025
По силниот земјотрес на социјалните мрежи се појави видео од Бангкок во кое илјадници луѓе пешки се евакуираат бидејќи немало возови.
© Vecer.mk, правата за текстот се на редакцијата
