Во Париз е ограбен луксузниот дуплекс стан на директорот на влијателната мексиканска ТВ мрежа Групо Телевиса, а проценетата штета е повеќе од еден милион евра, јавија денеска француските медиуми.

Полицијата соопшти дека жртвата е Бернардо Гомез Мартинез, а сторителите на грабежот се уште се во бегство, пренесува весникот <a href="https://www.lefigaro.fr/faits-divers/paris-un-directeur-de-television-mexicaine-cambriole-le-prejudice-estime-a-plus-d-un-million-d-euros-20241029">Фигаро.</a>

Грабежот се случил ноќта меѓу понеделникот и вторникот, во 7-миот арондисман во Париз, а според сведочењето на неименуван извор од париската полиција, Бернардо Гомез Мартинез бил „близок“ со Доналд Трамп и не бил во неговиот стан на времето на кривичното дело.

Сторителите украле накит, седум луксузни рачни часовници, скапи предмети, кожна гардероба и 20.000 евра во кеш, а вкупната штета се проценува на повеќе од еден милион евра.

Овој грабеж се случил во дуплекс стан од 550 квадратни метри на булеварот Распај во 7-миот арондисман, во близина на населбата Сен Жермен-де-Пре.

Полициски извор за парискиот дневен весник потврдил дека собарката ги известила властите дека имало кражба во летната резиденција на нејзиниот работодавач.

Кривичниот суд во Париз денеска одлучи да го одложи судењето за сексуалниот напад на францускиот актер Жерар Депардје поради неговите здравствени проблеми, поместувајќи го почетокот на постапката за март следната година.

Судот наложи и вештачење да ги процени здравствените проблеми на 75-годишниот актер. Адвокатот на Депардје, Џереми Асус, побара одложување, велејќи дека актерот има проблеми со срцето и дијабетес, пренесува Асошиетед прес.

Асус рече дека лекарите пресудиле дека актерот не е доволно здрав за да присуствува на постапката, иако тој сакал да се појави и да се брани пред судот.

- Тој сака да се брани, бидејќи повеќе од три години систематски шири и пренесува огромен број невистини, лажни информации и клевети. Го имавме само зборот на обвинителството. И сега конечно ќе можеме да имаме збор за одбрана - изјави тој за АП.

Обвинителите велат дека во двата случаи жените пријавиле дека 75-годишниот актер ги допирал меѓу нивните нозе и ги пипкал по задникот, гениталиите и градите преку нивната облека.

ОГРАБЕН СТАН НА ТЕЛЕВИЗИСКИ ДИРЕКТОР: Украден накит, СЕДУМ луксузни часовници, гардероба и 20.000 ЕВРА ВО ГОТОВО!