Полицијата и пожарникарите веднаш го предупредиле блиското население дека во дворовите ќе пронајдат различни супстанци, што било случај.
„Видовме силна светлина како лета кон црквата“, рече Марко Перез, кој бил на концерт на отворено во близина.
„Таа светлина се претвори во портокалово-црвена огнена топка“, изјави тој за Хјустон хроникл, пренесува Дејли мејл.
Перез и неговиот внук изјавиле дека металот што паднал на земја изгледал како „шпагети“.
Најмалку четири лица загинале, меѓу кои и едно дете, при падот на хеликоптер во американската сојузна држава Тексас.
Страшната несреќа и падот на хеликоптерот ги овековечиле телефоните на збунетите жители, кои случајно се нашле на улиците во моментот на несреќата.
⚡️In eastern Houston, USA, a helicopter crashed into a wireless tower. Which led to its crash. pic.twitter.com/zOiuZ52p1z
— The Global Monitor (@theglobalmonit) October 21, 2024
На снимката се гледа како хеликоптерот наводно удира во радиокулата, а потоа паѓа на земја. Инаку, радиокулата, висока 300 метри била соодветно обележана и осветлена.
Несреќата се случила нешто пред 20 часот по локално време и предизвикала силна експлозија која се слушнала на километри.
Надлежните се уште не го знаат точниот број на жртви, но се претпоставува дека во хеликоптерот имало четири лица, од кои едно дете, но дека никој не преживеал.
Според она што е реконструирано, хеликоптерот полетал од Елингтон, кој се наоѓа на околу 30 километри јужно од местото на несреќата.
© Vecer.mk, правата за текстот се на редакцијата