Авионот на норвешката компанија на летот DY430 меѓу Осло и Молде се излизгал во Молде поради, како што неофицијално се дознава, условите на пистата, а 165-те патници кои биле во Боингот биле евакуирани од леталото, пишува Aviation24.
Во кратките видеа кои се појавија на социјалните мрежи е снимена евакуацијата на патниците, а локалните медиуми потврдија дека немало повредени, но дека одреден број патници се „видливо вознемирени“.
🇳🇴 Sortie de piste d’un Boeing 737-800 de Norwegian à Molde au nord de la Norvège.
— air plus news (@airplusnews) December 19, 2024
▫️L’avion s’est immobilisé à quelques mètres de l’eau. Les 165 passagers ont été évacués. pic.twitter.com/ldQluaW4uK
Службите за итни случаи од Авинор (која управува со аеродромот Молде) и кризниот тим на норвешкиот град ја пружија неопходната помош во инцидентот, кој се припишува на неповолните временски услови, вклучително силен ветер и лизгава писта.
Поради тоа, аеродромот Молде привремено ја затвори пистата и ги прекина летовите. Норвешката служба за безбедносно истражување отвори истрага.
© Vecer.mk, правата за текстот се на редакцијата
