Вакцината АстраЗенека на Оксфорд и нејзината употреба се уште е главна тема откако Европската агенција за лекови (ЕМА) препорача да се продолжи со нејзина употреба, но воедно и препорача секоја земја сама да одлучи како ќе го третира нивниот заклучок дека постојат минимални шанси за појава на тромбоза.
Македонија одлучи да следи неколку европски земји и да не ја дава на лица под 60 години, а одлуката ја соопшти министерот за здравство Венко Филипче, пред салата Борис Трајковски каде се одвива вакцинацијата.
И други земји, ја ограничија, затоа се огласи и Европската Комисија која соопшти денеска дека нема причина воопшто да не се користи вакцината на Астра Зенека по мислењето на Европската агенција за лекови, јави дописничката на МИА од Брисел.
-Европската агенција за лекови штотуку даде позитивно мислење за Астра Зенека бидејќи бенефитите и натаму се поголеми од ризиците, таа не побара да се престане со Астра Зенека, некои земји членки одлучија да заземат построг пристап, нема причина воопшто да не се користи, изјави портпаролот за здравство на Европската Комисија, Стефан Де Керсмакер.