Откако американскиот сенатор Ренд Пол го блокираше усвојувањето на законот за помош на Украина од 40 милијарди долари, друг американски функционер изјави дека е против тоа.
Имено, Пол Госар, републикански член на Претставничкиот дом од Аризона, на Твитер напиша дека парите што американската влада има намера да ги издвои за поддршка на Украина се губење на парите на даночните обврзници.
„Минатата година Зеленски некако заработи сто милиони долари како државен службеник. Што мислите, каде всушност ќе одат најголемиот дел од 40-те милијарди долари понудени на Украина? Не треба да испратиме ниту цент“, напиша тој.
Zelensky made $100 million last year as a public servant somehow. Where do you think a sizeable chunk of that $40 billion is really going? We shouldn't be sending a dime, especially not until our long list of problems at home are solved.
— Rep. Paul Gosar, DDS (@RepGosar) May 11, 2022
Според него, претседателот Џо Бајден има намера да започне посредничка војна со Русија, што ќе се покаже како грешка за Америка со последици на глобално ниво.
„Владата на САД треба да се занимава со внатрешната политика: да ги реши проблемите со јавниот долг, инфлацијата и имиграцијата“, нагласи Госар, објаснувајќи ја одлуката да се гласа против помошта за Киев.
Оваа недела, Претставничкиот дом на САД одобри пакет помош од 40 милијарди долари за Украина. Документот беше испратен до Горниот дом, но таму беше блокиран од сенаторот од Кентаки, Ренд Пол.
Според него, во сегашните услови, САД едноставно не можат да си дозволат да играат улога на светски жандар на сметка на сопствениот буџет.