Повеќе од 1.400 персонал за одговор при итни случаи од повеќе од дваесет сојузници и партнери на НАТО - вклучително и поканетите Финска и Шведска - се распоредуваат во Турција, помагајќи да се одговори на разорните земјотреси што ја погодија земјата на 6 февруари.
Повеќе од 53.000 турски експерни за одговор при итни случаи во моментов се на терен.
Сојузниците и партнерите на НАТО обезбедуваат различни форми на помош, вклучително и тимови за пребарување и спасување со кучиња спасувачи, пожарникари и тимови за структурно инженерство, медицински персонал и материјали, како и сеизмички експерти.
„Во овој ужасен момент, ние сме солидарни со нашиот сојузник Турција и со сите засегнати, а сојузниците на НАТО се подготвени да обезбедат дополнителна помош за оние на кои им е потребна“, рече портпаролот на НАТО, Оана Лунгеску.
Поддршката се обезбедува преку Евроатлантскиот координативен центар за одговор при катастрофи на НАТО (EADRCC), кој е главен механизам за одговор на цивилни итни случаи на Алијансата во евроатлантската област. Центарот е активен во текот на целата година, оперативен 24/7, и ги вклучува сите НАТО сојузници и земји партнери. Функционира како клириншки систем за координирање на барањата и понудите за помош главно во случај на природни и вештачки катастрофи.
Знамињата на сите 30 сојузници на НАТО, како и знамето на НАТО се на половина копје во седиштето на НАТО од денеска до утре до зајдисонце во чест на жртвите и во знак на солидарност со Турција.
Извор: НАТО
