„Тоа е она на што навистина се сведува и единственото нешто на што сме фокусирани во моментов“, изјави неименуван висок советник на Трамп за Си-Ен-Ен.
Тој додаде дека во рамките на кампањата на Трамп се смета дека ова е „најсилниот циклус што Трамп го има спроведено досега“, особено кога се гледаат истражувањата на јавното мислење од 2016 и 2020 година.
„Чувствуваме дека сме во позиција каде што ако излезат луѓе кои мислиме дека би гласале за Трамп, тој ќе победи“, рече советникот.
Како пример за предноста на Трамп во однос на кандидатката на Демократската партија Камала Харис, тој ја наведе анкетата на NBC News и Wall Street Journal за изборниот циклус во 2020 година, според која актуелниот претседател и тогашниот кандидат на демократите Џозеф Бајден го предводеше Трамп со околу 10 проценти поени.
Она што ја загрижува кампањата на Трамп, според Си-Ен-Ен, е тоа што бројот на таканаречените „тивки гласачи на Трамп“, кои обезбедија потенцијална клучна предност во изминатите два изборни циклуси, сега е помал.
© Vecer.mk, правата за текстот се на редакцијата
