Во авионот имало повеќе од 250 патници и членови на екипажот, пишува „Индипендент“.
Боингот 777, кој полетал од Лондон синоќа во 22:43 часот, бил принуден да слета на аеродромот Нижневартовск во регионот Ханти-Мансиј во Русија. Според „ФлајтАвер“, авионот слетал околу 8:17 часот по локално време, околу пет и пол часа по почетокот на патувањето.
🇬🇧🇨🇳🇷🇺 A Boeing airplane flying the London — Beijing route made an emergency landing in Nizhnevartovsk.
— Lord Bebo (@MyLordBebo) August 26, 2025
“The Air China flight from Beijing to London decided to land at a reserve airfield in Russia due to a malfunction of one of the engines” — Rosaviatsia, Russians aviation… pic.twitter.com/xjBc6a2llT
Потврда од руските власти
Руската агенција за цивилно воздухопловство, Росавијација, го потврди инцидентот. „За време на летот од Лондон до Пекинг, екипажот на „Боингот 777-300“ на „Ер Чајна“ одлучил да слета на алтернативен аеродром во Русија“, се вели во соопштението. Како што објави „Ројтерс“, дефект на еден од моторите е наведен како прелиминарна причина.
Passengers on the London–Beijing flight that made an emergency landing in Nizhnevartovsk (Russia) have been sitting on the plane for more than three hours.
— Russian Market (@runews) August 26, 2025
The Air China Boeing 777-39L(ER) landed in the Russian city after one of its engines failed. According to the outlet Baza,… pic.twitter.com/MM4aT4hCNX
Агенцијата додаде дека „Ер Чајна“ ќе испрати резервен авион во Сибир за патниците да можат да го продолжат своето патување до Пекинг подоцна во текот на денот. Летот CA856 помеѓу Велика Британија и кинескиот главен град обично трае повеќе од девет часа.
Британското Министерство за надворешни работи (FCDO) во моментов советува да не се патува во Русија поради ризиците поврзани со нејзината инвазија на Украина. Сè уште не е познато колку британски државјани биле на овој лет.
© Vecer.mk, правата за текстот се на редакцијата
