Дамијен Тарел, вљубеник во средновековни боречки вештини, кој му удрил шлаканица на францускиот претседател Еманеул Макрон, признал дека го удрил Макрон а наскоро ќе треба и да се изјасни во судница во процес по забрзана постапка.

“Тарел призна дека го удри Макрон, додека претседателот беше во посета на регионот Дроме на југоистокот на земјата, но на инспекторите им кажа дека тоа не го планирал однапред”, изјавил локалниот обвинител Алекс Перин.

Невработениот 28-годишник во текот на испрашувањето рекол дека бил близок со противвладините “жолти елеци” – движење кое го потресе претседателството на Макрон, и дека има ултрадесничарски политички убедувања.

“Тој тврди дека реагирал импулсивно изразувајќи го своето незадоволство и дека не размислувал”, рекол Перин во изјавата доцна во средата.

По наподот, Макрон рекол дека тоа бил изолиран инцидент и дека насилствата и омразата се закана за демократијата.

Познаниците на Тарел пак изјавиле дека тој не е проблематичен. Обвинителот изјавил дека не е член на никакви политички ниту милитантни групи.

“Тарел е уапсен заедно со уште еден маж од неговиот роден град Сент Валие. Полицијата пронајде оружје, примерот од книгата на Хитлер “Мојата борба” и знаме со меѓународен симбол на комунистичкото движење, во станот на другиот маж”, рекол Перин.