Москва -- Русија и Кина се подготвени да застанат заедно против растечкиот надворешен притисок, рече рускиот премиер Михаил Мишустин.
„Нашите земји имаат конзистентен пристап кон многу проблеми на нашето време. Заедно се залагаме за формирање на мултиполарна архитектура на меѓународните односи и подготвени сме заеднички да се соочиме со новите предизвици и растечкиот надворешен притисок“, рече Мишустин на 27-от редовен состанок на Премиерите на Русија и Кина.
Тој потсети дека, според рускиот претседател Владимир Путин, „На Русија и треба просперитетна Кина, а на Кина за возврат и е потребна просперитетна Русија“.
„Односите меѓу Русија и Кина се во природа на сеопфатно и стратешко партнерство. Ние самоуверено и стабилно одиме напред во сите области, дури и во услови на криза во глобалната економија“, нагласи рускиот премиер.