Кинеската полиција уапси маж кој со својот автомобил влетал во пешаци во Гуангжу, убивајќи пет, а ранил 13 луѓе. Инцидентот предизвика бес кај пошироката јавност, а многумина го обвинуваат дека намерно ги удрил луѓе со своето возило. Снимката на која се гледа како возачот излегува од автомобилот и фрла пари во воздух, набргу по несреќата, стана вирална на социјалните мрежи.
Несреќата се случила во вечерниот шпиц
Полицијата го приведе 22-годишниот возач на автомобил и поведе истрага. Несреќата се случила вчера за време на вечерниот шпиц на фреквентна раскрсница во јужниот кинески град со 19 милиони жители. Ова не е прв ваков инцидент што се случил во Кина, пишува BBC.
Во февруари 2022 година, возач на мини-камион прегази луѓе во јужната провинција Фуџијан, убивајќи тројца, а повредувајќи девет луѓе. На почетокот на неделава, гостин на хотел во Шангај намерно удрил со својот автомобил во лобито на хотелот по расправија со персоналот. Во инцидентот нема повредени.
© Vecer.mk, правата за текстот се на редакцијата
