Дениз Госет (45), нејзиниот син Роман (16), нејзината ќерка Сабрина (19) и 15-месечната ќерка на Сабрина, Моргана загинаа во пожар на 27 февруари 2018 година, во нивниот дом во Дерилин.
Даниел Себастијан Ален (32) се изјаснил за виновен за убиствата на Роман и Сабрина Госет, како и на Моргана, денеска во Судот во Крајгавон. Тој, исто така, се изјаснил за виновен за подметнување пожар и, во врска со смртта на 45-годишната Дениз, го признал убиството од небрежност „поради пакт за самоубиство“.
Ален е осуден на доживотен затвор, а во септември ќе има ново рочиште за да се утврди која ќе биде минималната казна пред да се разгледа барањето за ослободување, пишува The Guardian.
32-годишниот маж, кој е во притвор од 2018 година, за време на судењето тврдел дека се договорил со Дениз да ја убие и тврдел дека немал намера да ги убие другите членови на семејството.
