„Северноатлантскиот совет одлучи да го назначи холандскиот премиер Марк Руте за следен генерален секретар на НАТО, наследувајќи го Јенс Столтенберг“, се вели во соопштението на Алијансата.
Руте беше силно поддржан од САД, и ќе ја преземе функцијата од сегашниот генерален секретар Јенс Столтенберг кога неговиот мандат ќе заврши на 1 октомври.
Руте (57) минатата недела ја запечати трката да ја води западната воена алијанса, откако единствениот предизвикувач романскиот претседател Клаус Јоханис се откажа.
Искусниот политичар ја напушта функцијата во Холандија по речиси 14 години на чело.
Следниот шеф на НАТО ќе мора да се справи со тековните последици од руската војна против Украина и потенцијалното враќање на американското претседателство на Доналд Трамп по изборите во ноември.
© Vecer.mk, правата за текстот се на редакцијата
