Од оваа пролет, австриските власти истражуваат злоупотреба на луѓе во домот за стари и немоќни лица во Сиценберг-Рајдлинг, Долна Австрија. Постои основано сомневање дека четворица негуватели ги малтретирале, мачеле и се*суално ги малтретирале штитениците од домот, а сега во медиумите протекоа вознемирувачки фотографии кои ги објави австрискиот дневен весник Куриер.
Досега четворица осомничени - три жени и еден маж на возраст од 30 до 45 години - се бранеа со молчење во текот на истрагата, а нивниот адвокат Стефан Глос повика на прекин на постапката.
Но, сега се појавија фотографии кои дополнително ги компромитираат осомничените. Фотографиите кои доаѓаат од групата за разговор на WhatsApp се предадени на јавниот обвинител. Компанијата SeneCura, кој е сопственик на домот, ветува „максимална транспарентност“.
Првите наводи за несоодветен и навредлив третман на жителите на домот станаа познати кон крајот на март 2021 година, објави ORF.
SeneCura брзо реагираше и веднаш пријави во полиција и формираше комисија за внатрешна истрага. Резултатите од внатрешната истрага се испратени до јавниот обвинител Ст. Полтена.
Јавноти обвинителство во Св. Полтена веќе неколку месеци ја истражува, како што рекоа, тортурата или занемарувањето и сексуалната злоупотреба на беспомошни луѓе. Колку жители на домот беа погодени, засега не е соопштено.
Според портпаролот на австриското државно обвинителство, се истражуваат „актуелните настани“.
Приватниот дом за стари лица го води SeneCura. Според портпаролката, вработените ги забележале поплаките и ги пријавиле во матичната администрација. Четири негуватели потоа биле „отпуштени веднаш“. Дополнително, SeneCura, покрај известувањето до јавниот обвинител, за се ја информираше и Канцеларијата на Народниот правобранител и државниот стручен надзорен орган.
Адвокатот на пациентите Џералд Бахингер беше изненаден од жалбите. Во минатото, раководителот на домот за стари лица бил „многу транспарентен и отворен“. Актуелните тврдења, сепак, покажаа дека „никој не е имун од такви инциденти“, рече Бахингер.
Според австриските медиуми, осомничените негуватели им одбивале храна на штитениците од домот, им давале апчиња за да ги заспијат за да не мораат да се справуваат со нив, ги навредувале и им викале. Детали за сомнителна сексуална злоупотреба не се објавени.