Во кафезот имало три лава, но работничката не ја заклучила внатрешната врата што би ја одвоила од нив, пренесе РИА Новости.
Властите покренаа кривична истрага за можно невнимание, но се уште не утврдиле дали е виновен работникот или управата на паркот.
Сопственикот на Тајган, Олег Зубков, ја идентификувал жртвата како главен чувар на паркот - Леокадија Перевалова.
Тој рече дека Перевалова била „душата на паркот“ која таму работела 17 години.
„За жал, кога пристигнав, не можев да направам ништо за да помогнам. Лавовите се врвни предатори и не простуваат грешки“, истакна Зубков и додаде дека никој од другите вработени не бил присутен во моментот на нападот.
Паркот Тајган се наоѓа во Белогорск, на околу 35 километри источно од Симферопол, главниот град на Крим.
Има околу 60 лавови на површина од повеќе од 30 хектари. Високите огради им овозможуваат на посетителите да гледаат како лавовите слободно талкаат.
© Vecer.mk, правата за текстот се на редакцијата
