Холандскиот крал Вилем-Александар изјави дека повеќе нема да ја користи златната кралска кочија поради дебатата што започна за една од сликите на неа.
Имено, на едната страна од оваа кочија има слика за која критичарите велат дека го велича колонијалното минато на таа земја.
Холандија долго време беше колонијална суперсила, а нејзините трговци со робови заработија големи суми пари.
– Златната кочија повторно ќе се вози дури кога Холандија ќе биде спремна, но тоа сега не е така – рекол кралот во видео пораката.
На една од сликите на кочијата се гледаат Афроамериканци и Азијци како нудат стока на млада бела девојка која ја симболизира Холандија, пишува Euro news.
Кочијата во моментов е изложена во Музејот во Амстердам, по долга реставрација.
Претходно се користела за транспорт на монарси низ улиците на Хаг, до отворањето на Парламентот секој септември.
