„Ако можеме да помогнеме, ние сме подготвени да го направиме тоа“, изјави холандскиот премиер Марк Руте за холандски RTL. Холандија не поседува борбени тенкови бидејќи, според Регистарот за конвенционално оружје на ОН, ги продаде своите Леопарди на Германија во 2018 и 2021 година.
Сепак, Холандија има 18 тенкови Леопард 2А6 на закуп од Германија. Руте предложи Холандија наскоро да ги купи овие тенкови и потоа да ги испрати во Украина.
„Преговорите се во тек“, рече Руте, додавајќи дека, иако Холандија сè уште нема донесено одлука, „јасно ѝ сигнализираше на Германија дека е подготвена сериозно да размисли за таков потег“.