Бурата од прва категорија, која стигна до Шангај утрово, е најсилниот тропски циклон што го погодил градот во повеќе од седум децении.
Со ветрови од 151 км/ч, Бебинка го погоди градот со речиси 25 милиони жители околу 7:30 часот по локално време, објавија државните медиуми, што го прави најсилното невреме што го погодило Шангај од тајфунот Глорија во 1949 година.
Today, the biggest typhoon in 75 years landed in Shanghai. pic.twitter.com/giZ85iiJl2
— Sharing Travel (@TripInChina) September 16, 2024
Дожд заврнал низ градот, а силните ветрови урнаа повеќе од 10.000 дрвја низ Шангај, додека повеќе од 400.000 луѓе беа евакуирани од своите домови.
Typhoon Bebinca did serious damage in Shanghai. pic.twitter.com/JleIIx6VNS
— Rodrigo Zeidan (@RodZeidan) September 16, 2024
Според извештаите на медиумите, ангажирани се повеќе од 56.000 спасувачи, а до рано попладне било пријавено само едно повредено лице.
Повеќе од 1.400 летови од двата градски аеродроми и повеќе од 570 патнички возови се откажани од вчера навечер, нарушувајќи ги плановите на многу луѓе кои патуваат за Есенскиот фестивал, тридневен национален празник во Кина.
Today, the biggest typhoon in 75 years landed in Shanghai. https://t.co/GaABMtFX8V pic.twitter.com/SBS8qpOtit
— Chunyu 春雨 (@Chunyu_China) September 16, 2024
Парковите и бизнисите беа затворени бидејќи четири области во Шангај издадоа предупредување од највисоко ниво. Некои од линиите на метрото беа прекинати, а автопатите и надвозниците беа затворени за сообраќај или беа воведени посебни ограничувања на брзината.
Одморалиштата во Шангај, вклучително и Шангај Дизни паркот, забавниот парк Џинџијанг и паркот за диви животни во Шангај, беа привремено затворени, а многу траекти беа укинати.
Невремето се пресели од Шангај во соседната провинција Џиангсу попладнево, иако се очекува дождот да продолжи во финансиската престолнина на Кина до крајот на денот.
Силни удари од тајфун ретко го погодуваат Шангај и најчесто се вообичаени во јужните делови на Кина.
Јаги, разорна бура од четврта категорија, ја погоди провинцијата Хаинан минатата недела.
© Vecer.mk, правата за текстот се на редакцијата
